Klubbmeisterskap og årsfest: Heider og titlar delt ut

Laurdag 5. oktober hadde Vossevangen CK klubbmeisterskap og årsfest. Årets løypa gjekk frå Seimsbrua til Gjernes skule, med handikapp-start. Evy starta fyrst, så starta Gaute med sykkelkrossykkel, så starta Kent Ove og Preben medan Johan, Skage, Bjarte og Rune starta sist. Samstundes med rittet rundt Vangsen hadde Ea, Elisabeth og Jon barne-klubbmeisterskap på Gjernes, og dei sette alle tre ny rekord i antall rundar på 15 minutt. Rundt vatnet vart det

dobbeltsiger til huslyden Berge-Børsheim då Evy vann kvinneklassen og Johan vann herreklassen. Bjarte og Kent Ove tok dei andre pallplassane.

På årsfesten etterpå var det god stemning og 15 stykk kozte seg med tapas og deretter bowling hjå Voss bowling. Styret delte ut heider til fleire: Kristin fekk prisen "årets supermamma" for det ho har prestert på sykkel- og mammafronten, Håkon og Yvonne fekk prisen "øpp and komming", Ola fekk pris for resultata og framgangen han har hatt i år og Rune fekk eldsjelpris for tida han har lagt ned i ritt og aktivitet i klubben. Alle fekk premiar frå dei glimrande produkta til Vossabia!

Alle var samde om at det hadde vore ein vellukka dag, og ein var klar for å kåra dagens viktiaste vinnar: årets klubbmeister i bowling! Ville Sindre klara å forsvara tittelen? Svaret vart nei, Skage viste seg som ein kløppar med kuler og kjegler og overtok tittelen med god margin.

Skage klubbmeister bowling, Ola for sterke resultat i 2024