Solid siste NC-helg for Thomas og Marius

Thomas i brotforsøk

Førre helg vart årets siste NC-ritt på landevegen arrangert av Grenland SK. Vossevangen CK hadde med Thomas Vethe og Marius Flatebø på Kermis-rittet laurdag og fellesstartrittet sundag. Det vart ei røff helg prega av mykje regn og stor andel grus på sundagen. Laurdagen fekk våre gutar sykla 12 av 15 rundar og kom i mål i same gruppe der Thomas enda på ein 43. plass og Marius på 47. plass. Sundagen fekk berre halvparten av dei 80 ryttarane på start fullføra ni rundar, og Marius var ein av desse med ein solid 37. plass. Thomas kom inn som nr. 41 sundagen. 

Denne sesongen har både Thomas og Marius heva nivået solid, både på trening og ritt. Samarbeidet med Tamas Lengyel som trenar ber frukter, og med ein haust og vinter til med kvalitet på treninga vert det spanande å fylgja med til neste år.