Sundag
gjekk Master-NM i tempo «av stabelen» på Åndalsnes. Vossevangen CK var til
stades i Romsdalen med Kjetil som servicemann og med Nils og Jørund som syklistar.
Løypa var heile 30 km lang, og so og seie heilt flat. Start og mål var i
Åndalsnes sentrum. Nils som er ein veteran å rekne i NM-samanheng, syklar no i
klassen 65-69 år, medan Jørund debuterte i NM-samanheng i klassen 40-44 år.
Nils tok ein fin-fin 4.-plass i klassen og var berre 41 sekund bak
klassevinnaren! Veldig sterkt av Nils som ikkje har sykla so mykje i år grunna
skade. Nils gjennomførte på 42,41 minutt. Jørund køyrde løypa på 40,33 min. som
gav 8.-plass i klassen. Det var svært tett, og berre 9 sekund betre tid ville gitt
5.-plass! |
| Romsdalen i sol er vakkert! Jørund er på dette tidspunktet nøgd |
 |
| Nils, attende i frå skade og til fjerdeplass 41 sek frå sigeren! |
 |
| Klar til start! |
 |
| Nils ut frå start. |
 |
| Ridley'n til Nils gjekk rett i gjennom kontrollen!! |
Me har
fengje fylgjande reisebrev frå Jørund:
Tidleg fredag stakk Kjetil og eg med fullasta
bil austover mot Gjøvik. Målet for dagen var elite-NM gateritt, med start kl.
19:30 for seniorklassen. Me kom bort i god tid, og fekk med oss menn junior og
senior damer i tillegg. Ekstra kjekt var det å sjå på juniorklassen der Sogn og
Fjordane sitt supertalent, Sedrik Ullebø tok sigeren suverent. Under gaterittet
til seniorkarane stod eg i depotet og var servicemann i tilfelle uhell. Reglane
er slik at ein kan stå over ein runde to gonger, eller to rundar ein gong ved
uhell. Det gjekk styggfort frå start, og eg tvilar på eg hadde klart å halda
fylgje ein runde, sjølv på full pedal. Kjetil gjorde det bra trass ein lite
heldig start, og kom inn på ein flott 23-plass. Me overnatta på NM-hotellet på
Biri, so om kvelden menga me oss me proffar, Noregsmeisterar og
sportsdirektørar! Det vart prata sykkel til langt på kveld! Laurdag var det
terrengritt for Kjetil med start på Bodur skistadion på Løten, og eg var
servicemann. Etter eit solid ritt frå Kjetil, bar det mot vest og Åndalsnes.
Nils kom frå laksafiske i Trøndelag og me slo
oss saman på Åndalsnes vandrarheim. Nils og eg skulle køyra master-NM tempo på
heile 30 km, og Kjetil var no servicemann. Været var strålande fint, men med
noko vind. Løypa hadde start i Åndalsnes, gjekk inn til Isfjorden, og utatt
fjorden på andre sida til vending. Soleis var det både med- og motvind både på
tur og retur! Me var ute i god tid og varma godt opp på rulla før start. Me
fekk syklane godkjent og var klare til start. Eg var litt spent på korleis det skulle
fungera med 30 km. Eg valte å køyre utan pulsbelte, utan kardensmålar og utan
wattmålar – og soleis berre kjenna på kroppen. Dette var litt risikabelt, men
men. Fyrste fem km var med medvind, og eg snitta på 47 km/t, utan at eg brukte
mykje krefter. So var det 10 km med motvind ut att fjorden. Eg fokuserte på å
sitja djupt og eg pressa meg ikkje i opp i raud sone. Til vending hadde eg
soleis køyrt fornuftig følte eg. I ettertid ser eg på vendetidene at eg kanskje
hadde spara meg vel mykje. Inn att fjorden følte eg meg framleis relativt fint.
Eg fekk opp bra fart og køyrde inn ryttaren framføre meg. Men dei siste fem i motvind vart tøffe. Eg jobba
hardt og fekk krampe. Eg laut gira ned og eg laut strekka på beina, men det
sleppte ikkje taket. Eg hadde ein gel på innsida av drakta som eg fiska fram,
og tok den på styrten sjølv om det berre var nokre kilometer att. I ettertid
når eg ser at eg var berre 9 sekund bak femteplassen, var det litt irriterande
å tenka på. Tapte ein del på krampehandteringa. Men men! Alt i alt er eg nøgd
med debuten. Me har hatt ein kjempefin rundtur dei siste dagane, og ein stor takk
til reisekameratane mine, Kjetil og Nils for trivelege stundar og god hjelp!
Målet lyt vera å forbetra tida si med min. eit minutt til nesteår!
Resultatlista;
http://www.raumask.com/pdf/Resultatliste%20Isfjordstempoen%202015%20klassevis.PDF
Ingen kommentarer:
Legg inn en kommentar