Vossevangen CK sterke i Bergen i helga

Denne helga skipa Fana IL Sykkel til turrittet Fanafjellet rundt laurdag og det aktive rittet Rådalen rundt sundag. Vossevangen CK hadde med Marius Flatebø i menn senior begge dagar, Kristin Eidsheim Sønnesyn i kvinner senior laurdag og Filip Eidsheim i masterklassen begge dagar. Marius var sterk begge dagar og fekk betalt med ein 3. plass laurdag. Sundag var han uheldig og rauk ut i ein sving, men låg då i frontgruppa. Filip vart nr. 8 laurdagen, men sundagen tok han ein klar siger og fyrst i mål av alle i masterklassane. Kristin vart nr. 3 i kvinner senior på Fanafjellet rundt laurdagen. Ei fin-fin ritthelg i Bergen for VCK-ryttarane, og les gjerne Marius sine rittrapportar under.

Marius sine rittrapportar:
Fanafjellet: gjekk relativt ryddig inn til bakken fyrste gong. So blei det satt eit hardt tempo frå start av bakken so var målet å henga på so lenge so mulig. Slapp ei lita luka siste del mot toppen men tok det igjen nedover! So kjørte me tre mann i lag. Med litt ulik dravilje … kom akkurat inn i bakken når ei gruppa kom heilt på hælane so rykte eg til med Njål og Tord og fekk ei luka igjen, men når Tord gjekk fram og drog opp tempoet gjekk det litt for fort i midten av bakken so måtte fort sleppa eit par meter, men kjørte jamnt inn til mål. Meget, meget nøgd med dagen totalt!

Rådalen: ikkje heilt lika pigg i beina i dag men satt med i tetpulja og fekk kjørt hardt over fleire runda, so var eg uheldig eller «uforsiktig» og gjekk i asfalten i lag med Bruun (Bck), so var rittet over men ei god økt enn so lenge! (Enda berre med skrubbsår ellers gjekk alt bra med sykkelen)